ایم کیو ایم ءِ رھشون پروفیسر ڈاکٹر حسن ظفر عارف ءِ جون کراچی ءِ دمگ ابراھیم حیدری ءَ چہ دز کپتگ۔
کراچی ءِ پولیس ءِ ردا پروفیسر حسن ظفر عارف ءِ کوش ءِ سوب زانگ نہ بوتگ۔ آئی ءِ لاش ءِ سرا ھچ وڑیں ٹپّ ءُ ٹورانی نشان گندگ نہ بوتگ۔ وھدیکہ گیشیں پٹّ ءُ پول ءِ ھاترا جون جناح نادراھجاہ ءَ سر کنگ بوتگ۔
ڈاکٹر حسن ظفر عارف ایم کیو ایم ءِ پُرشت ءُ پروش ءُ فاروق ستار ءِ جتائی ءَ پد تاں ھنّوگ ءَ ایم کیو ایم لندن گروپ ءَ بندوک بوتگ۔ ایم کیو ایم ءِ جارے ءِ ردا آ گوستگیں روچاں کراچی پریس کلب ءَ پریس کانفرنسے ءِ ھاترا آیگ ءَ بوتگ کہ راہ ءَ بیگواہ کنگ بوتگ ءُ مرچی آئی ءِ جون دز کپتگ۔
No comments:
Post a Comment