الاسکا ءِ زر ءَ کساس 7.9 پوائنٹ ءِ زمین چنڈ بوتگ۔ امریکہ ءُ کنینڈا ءِ روکپتی دمگاں سونامی ءِ گمان زاھر کنگ بوتگ،
بُن شون ءِ ردا مرچی لھتے ساھت ءَ پیش روکپتی امریکا ءِ دمگ الاسکا ءِ زِر ءَ زمین چنڈ بوتگ، زمین چنڈ ءِ کساس 7.9 پوائنت بوتگ۔ زمین چنڈ ءَ پد سونانی ءِ گمان زاھر کنگ بوتگ۔ الاسکا ءِ ھندی ریڈیو ءَ چہ جار شنگ کنگ بوتگ ءُ مردم ڈاہ دیگ بوتگ انت کہ آ کش ءُ گور ءِ کوھانی سرا بہ رونت۔
وھدیکہ امریکہ ءُ کنیڈا ءِ روکپتی دمگ ءُ ھوائی ءَ سونامی ءِ گمان زاھر کنگ بوتگ۔
امریکا ءِ جیولوجیکل سروے ءِ ردا کساس 8.2 پوائنت ءِ زمین چنڈ دو سد ءُ پنجاہ کیلومیٹر ءِ پراھی ءَ الاسکا ءِ کوریچی زِر ءِ کساس بیست ءُ پنچ کیلومیٹر ءِ جُہلانکی ءَ بوتگ۔
No comments:
Post a Comment