رجانک:مجید عاجز
 |
ما چہ کوہ ءُ گیاباں چو گْوات ءَ گْوزیں سْرپ پہ سْرپ مشکلیں وھدے کشکاں کہ جنزیں تہ مئے پاد بْرمشاں گُشئے ملکموت ناچ کنت آسگْواریں تُپنگانی نَل دشمن ءِ نیمگا سَکّ بنت ما چو شپ، دشمن ءِ میتگاں شِنگ بئیں ہنّی ئیں سُہب مئے سنگراں ٹِک دنت مئے نگاہ، پاتوھانی وڑا برزیں کاہ ، کُنٹگی سولکانی سرا پہ نہ تْرسی چَکرّ اَنت ءُ بنت بال ماں آزمان ءَ چہ مُرگاں گُشاد جَھل دیما مئے ، بُرزیں دْرچکانی سر سبزیں تاکانی بْرمشاں مئے دْریکّ اَنت دل جَوریں جنگانی ارواہ ئیں ما ما ماں واب ءَ ، پہ جنگ ءَ کہ چاڑکّہ ئیں جمبر اَنت گْوارچ مئے ما اِنت بے وانکیں رودانی رازاں چہ سر ریچیں گْوانکانی جکس وت وتی اندرا گْورتگیں گنجیں ھورانی ما ہلوتیں راز ءُ نیازی ما گپّ اش کن اَنت ہر دیں مارا بھادر ءُ دلدوستیں مئے مردکارانی دل بنت مھراں چَکار دیم پہ جنگ ءَ کہ جُنز اَنت، گُشاد تِر کپنت اِش کَدم مات مارا کہ رُکست کن اَنت تہ نہ گْریو اَنت کدی گْواڑگاں بوسگ ءُ بسّ دُواھانی زرشان کن اَنت جنگجاہ ءَ پہ نان ءِ پَچگ دست مئے چو کہ تیر ءَ سْرپ اَنت ماتکوہانی زْرمبشت ما جوریں بدواہ چہ بْرمش ءَ مئے دلتْرکّ بنت چہ مئے انگِرّ کنگ ءَ لپرزگ لگور ھاک ءُ گِل سَھت ءُ سینگار کورانی سبزاپ آدینک مئے پیش چہ جنگجاہ ءَ رَوگ یکے دومیگ ءِ بیکاں سماریں ، گْورامبازیں یک دومی ءَ مَرگ شر رنگی ءَ پہ مئے دنتان دْرشیت پہ شھیدی ما گیشتر کہ بئیں جلوہناک |
No comments:
Post a Comment