فری بلوچستان موومنٹ ءَ 27 مارچ ءَ بلوچستان ءِ ایردست کنگ ءِ روچ ءِ درگت ءَ دگنیا ءِ بازیں ملکاں مراگش دارگ ءِ جار پِرّینتگ۔
گل ءِ جارکش ءَ جار جتگ ءُ گوشتگ: 27 مارچ بلوچستان ءِ راجدپتر ءَ یک سیاھیں روچے ءِ بستار ءَ داریت، پرچا کہ ھمے روچ ءَ پاکستان ءَ سرجمیں میان ملکی رھبنداں ءَ پروشان ءُ بلوچ ءِ وتواکیں زمین ایردست کُرتگ۔
گل ءِ نیمگ ءَ جاری بوتگیں گُشتانکے ءِ ردا: تاں ھما روچ ءَ بلوچ راج ءَ وتی زمین ءِ ایردستی نہ منّ اِتگ ءُ وتی راجی بستار ءِ پھازگ ءُ آجوئی ءِ ھاترا جہد کناں ءُ پیداکیں۔
اے ردا ھمک سال: 27 مارچ ءَ بلوچ راج سیاھیں روچے ءِ بستار ءَ داریت ءُ پاکستانی زوریں ایردستی ءِ ھلاپ ءَ زھرشانی کنت۔ اے سال ءَ فری بلوچستان موومنٹ ءَ دری جھان ءِ بازیں ملکاں مراگش دارگ ءُ زھرشانی ءِ جار پِرّینتگ۔
No comments:
Post a Comment