وئیل ایران ءِ ایردستیں روکپتی بلوچستان ءِ تیابی شھر چاھبار ءَ پیش اَتکگ، رستگیں ھالانی ردا ناشناسیں مردمانی تیرگواری ءَ چہ بلوچ ڈگار ءِ آجوئی ءَ پہ جنگ کنوگیں سلاہ بندیں گل بلوچستان یپبلکن آرمی ءِ دو سرمچار شھید بوتگ انت.
تیرگواری ءِ آسر ءَ شھید بوتگیں دوئیں بلوچانی پجّار نثار زامرانی عرف ناکو ھیربیار جاھمنند زامران نوانو ءُ ماجد بلوچ جاھمنند گومازی ءِ نام ءَ کنگ بوتگ اَنت کہ رسانک ءِ ھالانی ردا آ ہر دو بلوچ ریپلکن آرمی ءِ سرمچار اَنت.
نثار زامرانی پنّام ء ناکو ھیربیار بی ایل ایف ءِ شھیدیں کماندار عابد ھسین زامرانی ءِ ناکو اِنت. عابد ھسین زامرانی سالے پیسر ماں روکپتی بلوچستان ءِ دمگ سرباز ءَ ناشناسیں مردمانی تیرگواری ءَ شھید بوتگ ات. وھدیکہ بلوچ ڈگار ءِ آجوئی ءَ پہ جنگ کنوکیں دو سلاہ بندیں گل بلوچستان لبریشن فرنٹ ءُ بلوچ ریپبلکن آرمی ءِ ردا ماں روکپتی بلوچستان ءَ بلوچ پُسّگانی کوش ءَ ھما مُلّا گل شریک اَنت کہ آ پاکستان ءِ پراکسی اَنت.
No comments:
Post a Comment