بلوچستان: بلوچی لبزانک ءِ سرخیلیں تژن بچکند نویس ءُ شاعر مرچی بیران بوتگ۔ رستگیں ھالانی ردا بلوچی زبان ءِ لبزانکار ءُ ھالکار واجہ اکرم صاحب خان ءَ چہ دیریں وھدے ءِ نادراھی ءَ پَد مرچی اے کوڑھیں دگنیا یلہ داتگ۔
اکرم صاحب خان بلوچی لبزانک ءِ اولی سرپ ءِ ندکاراں یکے زانگ بیت ءُ بلوچی تژن ءُ بچکند نویسی ءِ پڑا مستریں ناماں یکے کہ اے ردا آئی ءِ دو کتاب ھوں شنگ بوتگ اَنت۔
اکرم صاحب خان بلوچی نوکیں لبزانک ءِ تھا سید ھاشمی ءُ عطا ءُ کریم دشتی ءَ پد دومی لڑ ءِ مستریں ناماں چہ یکے زانگ بیت کہ آئی ءَ گوستگیں سی سالاں بلوچی ءَ نبشتہ کرتگ۔
مئے گوں ھاوند ءَ دعا اِنت کہ آ واجہ اکرم صاحب خان ءَ باگیں بھشت ءَ جاگہ بہ دَنت ءُ آئی ءِ پشپداں صبر ءُ ھاٹیگ ءِ سِکّت ءَ بہ دَنت۔
No comments:
Post a Comment